MFF011 LORIS VESCOVO: Tarvisio Bahnhof / Postaja Topolove
Astât 2001, trê dîs a pît, cjaminant de stazion di Tarvis a chê di Topolò. Un percors di scuasit 80 chilometris sul confin tra Italie e Slovenie. Il regjistradorut digjitâl picjât intor al à cjolt sù in direte la conte dal cjaminadôr, espert di bosc e cjantautôr Loris Vescovo. I pas e il respîr, i suns dal bosc, la nêf, i glereons e l’aiar su lis cimis. Di cheste performance atletiche-artistiche a son nassudis un pocjis di trasmissions radiofonichis par Radio Onde Furlane racueltis intun dopli cd cun in zonte la mape topografiche.

[ torne al menu ]